![]() | Cofio Cwmorthin Remembered Creuwyd y grwp gwirfoddol CCR er mwyn diogelu ac amddiffyn treftadaeth Cwmorthin a hanes ei bobl. Mewn partneriaeth ag Antur Stiniog Cyf mae’r grwp yn y broses o wneud cais am grant o Gronfa Treftadaeth y Loteri (Heritage Lottery Fund) er mwyn diogelu adeiladau’r cwm rhag dirywiad pellach. Os hoffech gyfrannu / roi rhodd i’r gronfa ddiogelu gallwch wneud hyn unai drwy siec yn daladwy i Antur Stiniog Cyf neu drwy roi arian parod ym mhencadlys Antur Stiniog yn Sgwar Diffwys, Blaenau Ffestiniog LL413ES. Gwerthfawrogwn unrhyw gyfraniad. |
Uwchben pentref Tanygrisiau ym Meirionnydd mae cwm cudd. Yn fan hudol i’r rhai sydd wedi troedio trwyddo mae gan Cwmorthin hanes unigryw ei hun – hanes caledi gwledig, un o bellenigrwydd ac o ddiwydiannu. Ar un adeg bu’r cwm yn gartref i lu o deuluoedd y dosbarth gweithiol, wedi eu denu yno gan gyfoeth diwydiant llechi’r bedwaredd ganrif ar bymtheg, i ymuno gyda’r gymuned ffermio a fu’n byw yno ers carifoedd. Yn ôl y sôn mae pobl wedi byw yn y cwm ers yr unfed ganrif ar ddeg, hyd nes i’r person olaf adael yn ystod y pedwardegau. Heddiw, dim ond ysbrydion sydd ar ôl. |
Creuwyd CCR yn 2010 i gario gwaith ymchwil blaenorol Mel Thomas, Arweinydd y Prosiect, ymlaen i’r cam nesaf. Yn sgil archwiliad archeoloegol o aneddle hynaf y cwm dan oruchwyliaeth yr archeolegydd amatur profiadol Bill Jones, penderfynnodd y grwp wneud cais am grant o Gronfa Treftadaeth y Loteri er mwyn diogelu’r adeiladau rhag dirywiad pellach. Cadwch lygaid ar ein tudalen newyddion am unrhyw ddatblygiadau! |